ArmBlogger.at.ua

Հուսով ենք՝ մեր աշխարհի իրականության մասին ներկայացվող այս մի քանի փաստերը ձեր տրամադրությունը չեն փչացնի ու փոխարենը կստիպեն մի պահ մտածել այն իրականության մասին, որի վրա մենք հաճախ աչք ենք փակում։

Ամբողջ աշխարհում 210 միլիոն որբեր կան։

Նրանց գրեթե 15 տոկոսն ինքնասպանություն է գործում՝ դեռ 18-ը չբոլորած։

Ամեն օր 22,000 երեխա է մահանում աղքատության պատճառով։

Եվրոպական Միությունում սովորական կովն օրական 2,2 դոլար պետական դրամաշնորհ է ստանում։ Այսպիսով, կովն ավելի շատ է վաստակում, քան աշխարհի 1,2 միլիարդ աղքատ մարդիկ։

Մեր ուղեղը սկսում է դանդաղել արդեն 27 տարեկանից հետո։

Ամերիկյան զինուժի կողմից ամեն օր Իրաքում ու Աֆղանստանում օդափոխման համակարգերի տեղադրման վրա ծախսվող գումարը 20,2 միլիարդ դոլար է կազմում։ Սա ավելի շատ է, քան NASA-ի (ԱՄՆ ավիացիայի և տիեզերագնացության գործակալություն) ամբողջ բյուջեն։

Ինչպես հարուստ երկրներում, այնպես էլ աղքատ երկրներում, ամբողջ սննդամթերքի 30-50 տոկոսը փտում է և դեն նետվում։

Աշխարհի բնակչության 80 տոկոսն ապրում է օրական 10 դոլարից քիչ գումարով։

Ամեն տարի 2 միլիոն երեխա մահանում է կանխարգելվող հիվանդություններից (ինչպես օրինակ՝ փորլուծությունից կամ թոքաբորբից), քանի որ չափազանց աղքատ են՝ իրենց բուժում թույլ տալու համար։

Մարդկության մեկ չորրորդ մասն առանց էլեկտրականության է ապրում։

1,2 միլիարդ մարդ ապրում է այնպիսի վայրերում, որտեղ բացակայում է պատշաճ ջրամատակարարումը, իսկ 1,6 միլիարդ մարդ ապրում է այնպիսի վայրերում, որտեղ ջրից օգտվելու հնարավորություն կա, սակայն նրանք չեն կարող դա իրենց թույլ տալ։

Բեռնատար և մարդատար նավերն ամեն տարի 6,35 միլիարդ կիլոգրամ աղբ են նետում օվկիանոս։

Անտունների 34 տոկոսը մինչև 24 տարեկան երիտասարդներ են։

5-15 տարեկան 250 միլիոն երեխաներ հարկադրված աշխատանք են կատարում։

Աշխարհում մոտ 300,000 երեխա զինվորներ կան։

805 միլիոն մարդ ամեն օր տառապում է սովից, նրանց 98 տոկոսն ապրում է թերզարգացած երկրներում, որոնցից շատերը երեխաներ են։

Եվ քանի որ այս ցանկը հիասթափեցնող վիճակագրական  փաստերի մասին է, անհրաժեշտ է նշել, որ այս պահին ամբողջ աշխարհում 350 միլիոն մարդ պայքարում է դեպրեսիայի դեմ։

Նյութի աղբյուր՝ http://blog.1in.am